Avqustun 26-da səhər saatlarında Rusiyanın  Saratov şəhərində çoxmərtəbəli binanın üzərinə pilotsuz təyyarənin düşdüyü video görüntü yayılıb.

Oxu24.com xəbər verir  ki, kadrları SHOT Telegram kanalı yayıb.

Kadrlarda mənzillərdən birində çoxsaylı dağıntıları görmək olar. Nəşrin məlumatına görə, mənzil binanın 28-ci mərtəbəsində yerləşir.

Pilotsuz təyyarənin hücumu zamanı 40 yaşlı qadın mənzildə olub və yaralanıb. Həkimlər xəstənin vəziyyətini ağır kimi qiymətləndirirlər.

Avqustun 26-da Busargin hava hücumundan müdafiə sistemlərinin Saratov və Engels şəhərləri üzərində pilotsuz təyyarələri vurduğunu və onların dağıntılarının yaşayış binalarına düşdüyünü bildirdi.

Daha sonra rəsmi şəxs aydınlaşdırıb ki, PUA-nın parçaları 38 mərtəbəli “Volqa Sky” yaşayış kompleksinə düşüb. Fövqəladə vəziyyət nəticəsində bir neçə nəfər xəsarət alıb. Dörd fərdi evə də ziyan dəyib.

Əvvəllər Rusiya mühüm obyektləri dron hücumlarından qorumaq üçün sistem yaratmışdı.

Nigar