ABŞ İsrailin müdafiəsini dəstəkləməyə hazır olduğunu bildirib.

Oxu24.com  US.News -a istinadən xəbər verir ki, bu açıqlama ilə ABŞ Müdafiə Nazirliyinin rəhbəri Lloyd Ostin çıxış edib.

Məqalədə həmçinin bildirilir ki, Pentaqon rəhbəri israilli həmkarı ilə danışıb və Vaşinqtonun İsrailin müdafiəsinə sadiqliyini təsdiqləyib.

Media Ostinin sözlərinə istinadən yazır: “Katib Ostin ABŞ-ın İsraili İran və onun regional tərəfdaşları və müvəkkillərinin istənilən hücumundan müdafiə etmək öhdəliyini bir daha təsdiqlədi”.

Bazar günü, avqustun 25-i səhər saatlarında İsrail Müdafiə Qüvvələri (IDF) Hizbullahın İsrailə raket atmağa hazırlaşdığını və Livanda qabaqlayıcı zərbələr endirildiyini öyrəndiyini açıqlayıb. Bundan sonra ölkədə 48 saatlıq fövqəladə vəziyyət elan edilib.

Öz növbəsində “The Times of Israel” yazıb ki, “Hizbullah” hərəkatı İsrail ərazisinə 320 raket atdığını, həmçinin 11 hərbi bazaya hücumlar təşkil etdiyini bəyan edib.

Həmçinin bildirilib ki, İsrail Hizbullaha zərbə hazırlamaq barədə ABŞ-ı əvvəlcədən xəbərdar edib, bu, Livan hərəkatından gözlənilən hücum xəbərləri aldıqdan sonra baş verib.