Türkiyə Müdafiə Nazirliyi Suriyada Rusiya ilə birgə hərbi patrulların bərpa olunduğunu açıqlayıb.

“Türkiyə tərəfdəndörd texnika, iki zirehli transportyor Pars, iki  zirehli texnikası və 24 şəxsi heyətin iştirakı ilə Türkiyə-Rusiya birgə quru patrulunun fəaliyyəti bərpa edilib. Birgə quru patrulunun fəaliyyəti 22 oktyabr 2019-cu ildə Türkiyə ilə Rusiya Federasiyası arasında imzalanmış Soçi razılaşmasına və onun həyata keçirilməsi prinsiplərinə uyğun olaraq həyata keçirilir. Gələcəkdə terrorla mübarizədə Türkiyə-Rusiya əməkdaşlığının nümayiş etdirilməsi məqsədilə bu birgə fəaliyyətin davam etdirilməsi planlaşdırılır”, - Türkiyə Müdafiə Nazirliyinin açıqlamasında bildirilir.

Qeyd olunur ki, birgə tədbirlər avqustun 22-də baş tutub. Müdafiə Nazirliyi Rusiya Federasiyası ilə birgə fəaliyyətin məqsədləri kimi “Türkiyə sərhədlərinin və bölgədəki mülki əhalinin təhlükəsizliyinin təmin edilməsi, Suriyanın şimalında sabitliyin yaradılması, terror təşkilatı PKK/SNA-nın məntəqələrinin, qərargahlarının və hərbi strukturlarının müəyyən edilməsini göstərib. ”

Nigar