Rusiya Müdafiə Nazirliyi rəhbərinin oğlu ABŞ-ın sanksiyalarına məruz qalıb

ABŞ Rusiya Müdafiə Nazirliyinin rəhbəri Andrey Belousovun doğma oğlu Paveli sanksiya siyahısına daxil edib.

 

Oxu24.com  xəbər verir  ki,bu barədə məlumat ABŞ Maliyyə Nazirliyinin saytında yerləşdirilib.

 

Portalda “Belousov Pavel Andreeviç... Doğum tarixi: 24 may 1994-cü il” qeyd olunub.

 

Cümə günü, avqustun 23-də ABŞ ixrac məhdudiyyətlərinə Rusiyadan 60-dan çox hüquqi şəxs, Çindən 42 təşkilat və İrandan 11 təşkilat əlavə edib. Qeyd olunur ki, bu şirkətlər “ABŞ-ın milli təhlükəsizliyi və xarici siyasətinin maraqlarına zidd fəaliyyət göstərən” kimi siyahıya salınıb.

Maliyyə Nazirliyi Rusiyanın beynəlxalq maliyyə sisteminə çıxışını daha da azaltmaq üçün Rusiyanın texnologiya şirkətlərinə, eləcə də mədən şirkətlərinə qarşı sanksiyaların tətbiq edildiyini bildirib.

Bundan əvvəl məlum olub ki, Avropa İttifaqı Rusiya alüminiumunun və ondan hazırlanan məhsulların idxalına tam qadağa tətbiq edə bilər.

Bundan əvvəl İsveçrənin Rusiyanın qatar izləmə sistemindən istifadə etməkdən imtina etdiyi bildirilirdi.

 

Nigar