Mahaçqala hava limanında iğtişaşlar: ilk hökmlər məlum oldu

2023-cü ilin oktyabrında Mahaçqala Beynəlxalq Hava Limanında baş vermiş iğtişaşların beş iştirakçısı doqquz ilədək müddətə ümumi rejimli koloniyada cəza çəkib.

 

Oxu24.com xəbər verir ki, bu barədə Krasnodar diyarı Məhkəmələrinin Birləşmiş Mətbuat Xidməti məlumat yayıb.

Hökmləri Armavir Şəhər Məhkəməsi çıxarıb. Məhkəmə Ənvərbek Ataev, İslam İbrahimov, Maqomed Ömərasxabov, Salik Ramazanov və Rabadan Rəcəbovu kütləvi iğtişaşlarda iştirak etməkdə təqsirli bilib. Mətbuat xidməti xəbər verir ki, Rəcəbov həmçinin hakimiyyət nümayəndəsinə qarşı zorakılıq tətbiq etməklə bağlı cinayətdə təqsirli bilinib.

Təqsirləndirilən şəxslər Mahaçqala hava limanında olarkən “təşkilatçıların çağırışı ilə milli və dini ədavət və düşmənçilik motivlərini rəhbər tutaraq, kütləvi iğtişaşlarda iştirak ediblər”, - hökmdə deyilir.

Yada salaq ki, etirazlara səbəb Təl-Əvivdən göyərtəsində İsrail vətəndaşlarının olduğu təyyarənin hava limanına gəlməsi olub. Təqsirləndirilən şəxslər Təl-Əvivdən uçan təyyarədə sərnişinləri axtararkən izdihamla birlikdə kordonu yarıb, terminalın qapılarını sındırıb və təyyarənin dayanacağına daxil olublar.

Məhkəmə prosesində təqsirləndirilən şəxslər təqsirli olduqlarını etiraf etməsələr də, bu, iş üzrə tədqiq edilmiş sübutların məcmusu ilə müəyyən edilib, mətbuat xidməti bildirir.

 

Miri