Fələstin prezidenti Qəzzaya buraxılmayıb

İsrail Fələstin prezidenti Mahmud Abbasın Qəzza zolağına səfərinə icazə verməkdən imtina edib.

 

Oxu24.com xəbər verir  ki, bu barədə Fələstin Prezidentinin beynəlxalq əlaqələr üzrə müşaviri və onun xüsusi nümayəndəsi, nazir Riyad əl-Maliki bildirib.

“Biz icazə istəmədik. Prezidentin Qəzzaya gedəcəyini bildirdik. Bundan sonra İsrailin cavabı gəldi və onlar prezident Mahmud Abbasın Qəzzaya girməsinə icazə verməyəcəklərini bildirdilər”, - deyə məlumatda bildirilir.

Bundan əvvəl Abbasın Qəzza zolağına səfər etmək niyyətində olduğu xəbəri yayılıb.

Avqustun 21-də Abbas Türkiyəyə səfəri zamanı İsraildən gələn sui-qəsd təhlükəsi səbəbindən yerli parlament üzvləri ilə şam yeməyini ləğv edib. Qəzet Abbasın Türkiyə parlamentinin sədri Numan Kurtulmuşa göstərdiyi diqqətə görə təşəkkür etdiyini, ancaq hava qaralmadan Fələstinə getməli olduğu üçün deputatlarla nahar edə bilməyəcəyini bildirib.

Bundan əvvəl Ərdoğan islam ölkələrini Qəzzada atəşkəsə kömək etməyə çağırıb.

 

Miri