ABŞ Rumıniyaya AMRAAM raketlərinin satışını təsdiqləyib

ABŞ hava hücumundan müdafiəni gücləndirmək üçün Rumıniyaya F-16 və F-35 döyüş təyyarələrinə uyğun gələn AIM-120 AMRAAM raketlərinin satışını təsdiqləyib.

 

Oxu24.com xəbər verir  ki, bu barədə ABŞ-ın Rumıniyadakı səfirliyi məlumat yayıb.

 

Rumıniyanın ABŞ-dan alacağı hava hücumundan müdafiə raketlərinin dəyəri, gələcəkdə əlavə raketlər almaq imkanı ilə təxminən 180 milyon dollar qiymətləndirilir.

 

"Bu satış Rumıniya Hərbi Hava Qüvvələrinin modernləşdirmə səylərini davam etdirir: AIM-120 raketləri Rumıniyanın F-16 təyyarələri, eləcə də digər ABŞ və NATO təyyarələri, xüsusilə F-35 ilə uyğun gəlir", - ABŞ-ın Buxarestdəki diplomatik missiyası vurğulayıb. 

 

Miri