Aİ uzun müddətdən sonra ilk dəfə Türkiyəni dəvət etdi

Türkiyənin xarici işlər naziri Hakan Fidan Aİ Şurasının qeyri-rəsmi iclasında iştirak etmək üçün Brüsselə səfər edəcək.

 

“Hürriyet” qəzeti xəbər verir ki, bu, son 5 ildə Aİ-dən Türkiyəyə ilk belə dəvətdir.

 

Türkiyə Xarici İşlər Nazirliyinin rəsmi nümayəndəsi Öncü Kecəli Fidanın tədbirə dəvət olunması faktını təsdiqləyib. “Biz bu dəvəti alqışlayırıq. Bu, həm də Aİ-nin regional və qlobal çağırışlar qarşısında Türkiyə ilə münasibətlərin inkişaf etdirilməsi zərurətini dərk etdiyinə işarədir. Münasibətlərdə irəliləyişə nail olmaq üçün Aİ ilə bütün sahələrdə əməkdaşlığımızın və dialoqumuzun davamlı və sistemli şəkildə baş tutması və proqnozlaşdırıla bilən şəkildə aparılması vacibdir”, - deyə telekanal Kecelinin sözlərindən sitat gətirib.

Aİ-nin xarici işlər və müdafiə nazirləri avqustun 29-30-da Brüsseldə Aİ Şurasının qeyri-rəsmi iclası üçün bir araya gələcəklər.

 

Miri