Türkiyə ordusu İraqda qalacaq

Türkiyə ilə İraq arasında təhlükəsizlik haqqında memorandum Türkiyə silahlı qüvvələrinin İraq ərazisində mövcudluğunun dayandırılmasını nəzərdə tutmur.

 

Oxu24.com xəbər verir  ki, bu barədə Türkiyə Prezidenti Administrasiyasının Dezinformasiya ilə Mübarizə Mərkəzinin bəyanatında deyilir.

“Bəzi KİV-lərdə İraq və Türkiyə arasında imzalanan razılaşmanın Türkiyə silahlı qüvvələrinin İraqda mövcudluğunu dayandırmaq məqsədi daşıdığı barədə iddialar həqiqətə uyğun deyil. Bununla bağlı heç bir tənzimləmə yoxdur. Memoranduma əsasən, iki ölkə Bağdadda müştərək koordinasiya mərkəzi və Başikada müştərək təlim və əməkdaşlıq mərkəzi yaradacaq”, - deyə departamentdən bildirilib.

 

Türkiyə Müdafiə Nazirliyinin nümayəndəsi cümə axşamı jurnalistlər üçün keçirdiyi brifinqdə qeyd edib ki, “bəzi KİV-lərdə dərc olunan sazişin mətni reallığa uyğun gəlmir”.

 

Müdafiə Nazirliyinin qeyd etdiyi kimi, “hərbi kadrların və hüquq-mühafizə orqanlarının əməkdaşlarının hazırlanması, terror təşkilatlarına qarşı mübarizə, sərhəd təhlükəsizliyinin təmin edilməsi, qeyri-qanuni miqrasiya, qaçaqmalçılıq və mütəşəkkil cinayətkarlıqla mübarizə və kəşfiyyat məlumatlarının mübadiləsini nəzərdə tutur”.

Departament Bağdadda və Başikadakı hərbi bazada mərkəzlər yaratmaq planlarını təsdiqləyib. Onlara hər iki ölkənin təyin etdiyi generallar komandanlıq edəcək. Gələcəkdə tərkibi və ixtisası müəyyənləşdiriləcək işə mülki kadrlar da cəlb olunacaq.

 

Nigar