Finlandiya Sərhəd Mühafizəsi Rusiya ilə sərhəddə radio monitorinqi həyata keçirəcək ki, bu da həm dövlət daxilində, həm də Rusiya ərazisində cib telefonlarını izləməyə imkan verəcək.

Bu barədə Yle dövlət televiziya və radio şirkəti məlumat yayıb.

Şirkətdən verilən məlumata görə, miqrasiyanın qiymətləndirilməsi üçün monitorinq aparılacaq. Bu yolla sərhədçilər sərhədi harada və neçə nəfərin keçməyə çalışdığını izləyə biləcəklər. Lakin KİV-in məlumatına görə, sərhədçilər mesajları ələ keçirə və ya mobil telefon istifadəçilərinin kimliyini müəyyən edə bilməyəcəklər.

Şirkət qeyd edir ki, Finlandiya Sərhəd Mühafizəsi lazımi avadanlıqları aldıqdan sonra oxşar işə başlayacaq.

Bundan əvvəl Finlandiya Müdafiə Nazirliyinin rəhbəri Antti Hakkänen bildirmişdi ki, Finlandiya və Rusiya sərhədində keçid məntəqəsinin açılması məsələsi Finlandiya Daxili İşlər Nazirliyinin səlahiyyətindədir. O, payızda Rusiya Federasiyası ilə sərhədin mümkün açılması ilə bağlı sualı belə cavablandırıb.

Bundan əvvəl Rusiya Xarici İşlər Nazirliyi Finlandiyanın sərhəddə hərbi təlimlər keçirmək planlarını qiymətləndirib.

Miri