Korrupsiyada təqsirli bilinən ABŞ senatoru Robert Menendes ABŞ prezidenti Co Baydendən əfv fərmanı almağa çalışır.

Oxu24.com xəbər verir  ki,bu barədə Daily Mail yazır.

Məlumatda qeyd olunur ki, Menendez uzunmüddətli həbs cəzasından azad olmaq variantlarını nəzərdən keçirir, onlardan biri də ABŞ prezidentinə müraciətdir.

Avqustun 16-da ermənipərəst mövqeyi ilə tanınan amerikalı senator müstəqil namizəd kimi seçkilərdə iştirakdan imtina etdiyini və bununla da siyasi karyerasına son qoyduğunu bəyan edib. Bundan əvvəl, iyulun 23-də o, ABŞ Konqresinin yuxarı palatasında senator vəzifəsindən istefa verib. İyulun 16-da Nyu-York məhkəməsi Menendesi rüşvətxorluq, qəsb, fırıldaqçılıq və xarici agent kimi işləmək də daxil olmaqla, 16 korrupsiya faktının hamısında təqsirli bilib. Hökm oktyabrın 29-na təyin edilib.

Menendez 20 ildən artıqdır ki, Konqresdə ən fəal ermənipərəst lobbiçilərdən biridir. Ötən il sentyabrın 23-də o, yuxarıda qeyd olunan ittihamlarla əlaqədar Senatın Xarici Əlaqələr Komitəsinin sədri vəzifəsindən istefa verib.

Miri