HƏMAS Blinkenin çağırışını rədd edir

HƏMAS-ın yüksək rütbəli rəsmisi Usamə Həmdan ABŞ dövlət katibi Antoni Blinkenin Qəzza zolağında girovların azad edilməsi və atəşkəs üçün yenilənmiş təklifə çağırışını tənqid edib.

Oxu24.com  xəbər verir  ki, "Biz yalnız bir neçə ay əvvəl razılaşdığımız Baydenin təklifini həyata keçirməyə razılaşacağıq",deyə  Hamdan Əl-Cəzirə ilə müsahibədə bildirib.

Onun sözlərinə görə, israillilər “Baydenin təklifinə daxil olan məsələlərdən imtina ediblər”.

“Netanyahunun yenilənmiş təklifə razılıq verməsi ilə bağlı sözləri onu göstərir ki, ABŞ administrasiyası onu əvvəlki razılaşmanı qəbul etməyə inandıra bilməyib.

Həmdanın sözlərinə görə, Birləşmiş Ştatlar “sadəcə İsrailə soyqırımını davam etdirmək üçün vaxt qazanır”.

HƏMAS təkid edir ki, atəşkəs razılaşması Qəzzada müharibənin daimi sona çatmasına və İsrail qoşunlarının çıxarılmasına səbəb olmalıdır.

Bundan əvvəl ABŞ dövlət katibi Antoni Blinken İsrailin ardınca HƏMAS-ı Amerikanın təklifləri ilə razılaşmağa çağırıb.

 

Miri