Bayden Henri Kissincerin Rusiya ilə bağlı ifadəsini xatırladıb

ABŞ prezidenti Co Bayden Demokratların Çikaqoda keçirilən Milli Qurultayında çıxışı zamanı ABŞ-ın keçmiş dövlət katibi Henri Kissincerin 19-cu əsrdə Napoleon Bonapartın dövründən bu yana Avropanın Rusiyaya qorxmadan baxmadığı ifadəsini xatırladıb.

 

Oxu24.com  xəbər verir  ki,bu barədə TASS məlumat yayıb.

 

Baydenin fikrincə, sələfi Donald Tramp prezidentlik postunu tərk edəndə Avropa və NATO “parçalandı” və Trampın “Öncə Amerika” doktrinası dünyanın imicini dəyişdi.

 

ABŞ-ın hazırkı prezidenti Şimali Atlantika Alyansının gücləndirilməsi üçün Avropa ölkələrinin başçıları ilə ümumilikdə 190 saata yaxın vaxt keçirdiyini bildirib. Siyasətçi bunun Finlandiya və İsveçin təşkilata daxil olması sayəsində mümkün olduğunu iddia edir.

 

Eyni çıxışı zamanı Bayden bildirib ki, prezident seçkilərində qalib gəlsə, Demokratlar Partiyasının namizədi Kamala Harris Rusiya prezidenti Vladimir Putinə “heç vaxt əyilməyəcək”.

 

İyulun 21-də Bayden prezidentlik yarışından çəkildiyini elan etdi. O qeyd edib ki, hazırkı səlahiyyət müddətinin qalan hissəsində prezident kimi öz vəzifələrini yerinə yetirməyə diqqət yetirsə, Demokrat Partiyası və ölkə üçün daha yaxşı olardı. Daha sonra ABŞ Seçki Komissiyası Harrisin prezidentliyə namizəd kimi irəli sürülməsi barədə bildiriş alıb.

 

ABŞ-da 60-cı prezident seçkiləri 2024-cü il noyabrın 5-də keçiriləcək.

 

Nigar