Ukraynada iki hərbi komissar həbs edilib

Ukrayna məhkəməsi Kiyev vilayətinin Borispol və Buçanski rayon hərbi komissarlığının rəislərini həbs edib.

 

Oxu24.com xəbər verir  ki,bu barədə Ukraynanın “Strana” nəşri ölkənin baş prokurorluğuna istinadən məlumat yayıb.

“İki MTK-nın  Borispolski və Buçanski - girov hüququ olmadan həbs ediliblər”, - məlumatda deyilir.

Nəşr hesab edir ki, söhbət Buçanski rayon hərbi komissarlığının rəisi Leonid Vıkoçko və Borispol hərbi komissarlığının rəisi Sergey Rusindən gedir.

Onlar hərbi qulluqçuların səfərbərliyindən yayınmaq üçün qanunsuz sxem təşkil etməkdə şübhəli bilinirlər. Ukrayna Təhlükəsizlik Xidməti (SBU) bildirib ki, axtarışlar zamanı təqsirləndirilən şəxslərdən 1 milyon dollardan çox pul götürülüb.

Bundan əvvəl Ukraynada son 24 saat ərzində 6 avtomobilin, o cümlədən hərbçilərə məxsus üç avtomobilin yandırıldığı bildirilmişdi. Bundan əvvəl SBU Odessa və Nikolaevdə hərbi maşınları yandırdıqlarına görə altı yeniyetməni saxlamışdı.

 

Nigar