Mahmud Abbas İsraildən icazə istədi

Fələstin Administrasiyası İsraildən Mahmud Abbas və hökumət üzvlərinin Qəzza zolağına səfəri üçün icazə istəyib.

 

Oxu24.com xəbər verir ki,bu barədə Axios və CNN-in köşə yazarı Barak Ravid X-bloqunda yazıb.

Jurnalist iddia edir ki, bu məlumat İsraildəki məmurlardan alınıb. İcazənin verilməsi ilə bağlı qərarı İsrail hökumətinin başçısı Benyamin Netanyahu verəcək.

Məktubun surəti də Amerika hökumətinə göndərilib.

Ötən həftə Mahmud Abbas Türkiyə parlamentindəki çıxışında Qəzza zolağına səfər etmək niyyətini açıqlamışdı: “Fələstin rəhbərliyindən olan digər qardaşlarla birlikdə Qəzzaya getməyə qərar verdim. Mən edəcəm. Bu mənə həyatım bahasına olsa belə. Qəzza tamamilə bizə məxsusdur. Biz münaqişənin ərazilərimizi böləcək heç bir həll yolunu qəbul etmirik. Qəzza olmadan Fələstin dövləti ola bilməz”.

Mahmud Abbas 2006-cı ilin dekabrından Qəzzaya səfər etməyib.

 

Miri