MAQATE rəhbəri Kursk AES-ə səfər etməyə hazır olduğunu açıqlayıb

Beynəlxalq Atom Enerjisi Agentliyinin (MAQATE) rəhbəri Rafael Qrossi “Rusiyada baş verən hadisələr fonunda” Kursk və Zaporojye atom elektrik stansiyalarının (AES) təhlükəsizliyindən narahatlığını bildirib.

 

Oxu24.com bu barədə agentliyin mətbuat xidmətinə istinadən xəbər verir.

Qrossi fəaliyyət göstərən Kursk AES ətrafında vəziyyəti şəxsən qiymətləndirməyə və ona hərbi əməliyyatların yaxınlığını nəzərə alaraq, ora baş çəkməyə hazır olduğunu bildirib. Bundan əvvəl telefon danışığı zamanı Rosatom-un baş direktoru Aleksey Lixaçev MAQATE rəhbərini Kurçatov və Kursk AES-ə baş çəkməyə dəvət edib.

Avqustun 17-də Rusiya Xarici İşlər Nazirliyinin sözçüsü Mariya Zaxarova bildirib ki, Ukrayna Silahlı Qüvvələri Kursk AES-ə hücum üçün hazırlıqlara başlayıb. Zaxarova deyib ki, enerji obyektinə mümkün hücum MAQATE-nin postulatlarını pozur və son nəticədə Avropada genişmiqyaslı texnogen fəlakətə gətirib çıxara bilər.

 

Miri