Getdikcə daha çox ölkə Ukraynaya silahlarından Rusiyada istifadə etməyə icazə verir

İspaniyanın müdafiə naziri Marqarita Robles Ukraynanın Kursk bölgəsində ispan silahlarından istifadə etməsi ilə bağlı məlumatı olmadığını bildirib, lakin qeyd edib ki, ötürülən silahlardan necə istifadə edəcəyini Kiyev müəyyən edir.

 

Oxu24.com  xəbər verir ki, Robles avqustun 16-da NATO-nun Valensiyadakı mənzil-qərargahına səfəri zamanı bildirib.

Kurskda ukraynalı hərbçilərin ispan silahlarından istifadə etməsindən xəbəri olub-olmadığını soruşduqda İspaniya Müdafiə Nazirliyinin rəhbəri qeyd edib ki, onda belə bir məlumat yoxdur.

"Bu, müharibədir və buna görə də Ukrayna hər an lazım bildiyi avadanlıqdan istifadə edəcək", - o əlavə edib.

Robles eyni vaxtda İspaniyanın Ukraynaya verdiyi silahların “müdafiə üçün müdafiə silahı” olduğunu vurğuladı.

Nazir həmçinin əmin edib ki, İspaniya “çox vacib olan bu müdafiə avadanlığı ilə” Ukraynanı dəstəkləməyə davam edəcək və Ukrayna “həmişə İspaniyanın, eləcə də Şimali Atlantika Alyansının digər ölkələrinin dəstəyinə malik olacaq”.

 

Miri