Rusiya donanması nüvə zərbələri tətbiq etdi - FINANCIAL TIMES

Təlimlər zamanı Rusiya Hərbi Dəniz Qüvvələri NATO ilə potensial münaqişə vəziyyətində Avropa ölkələrinə qarşı nüvə zərbələri tətbiq edib.

 

Oxu24.com xəbər verir  ki, bunu 2008-2014-cü illər arasında hazırlanan və Financial Times jurnalistləri tərəfindən nəzərdən keçirilən məxfi sənədlər sübut edir.

Rusiya zabitləri üçün hazırlanan sənədlərdə həm adi, həm də nüvə başlıqları daşıya bilən raketlər üçün hədəflərin siyahısı var.

Rusiya Baltik Donanması Norveç və Almaniyadakı hədəflərə hücum etməli olacaq. Buraya Bergendəki dəniz bazası, həmçinin radiolokasiya stansiyaları və xüsusi təyinatlıların obyektləri daxildir. Şimal Donanması hərbi gəmilərin və sualtı qayıqların tikildiyi Britaniyanın Barrow-in-Furnessdəki gəmiqayırma zavodu da daxil olmaqla müdafiə sənayesi obyektlərini vura bilər.

Sənədlərdə NATO ilə qarşıdurma zamanı əsas prioritet düşmənin hərbi və iqtisadi potensialının zəiflədilməsidir. Onlar həmçinin “nümayişəli zərbə” variantını – “Qərb ölkələrini qorxutmaq” üçün ucqar ərazidə nüvə silahını partlatmağı xatırladırlar. Belə bir zərbə "dəqiq idarə olunan qeyri-strateji nüvə silahlarının mövcudluğunu və istifadəyə hazırlığını" nümayiş etdirəcək.

Sənədlərdə həmçinin münaqişənin ilkin mərhələsində nüvə silahından istifadənin üstünlüyü qeyd edilir, donanmanın yüksək manevr qabiliyyətinin müxtəlif istiqamətlərdən qəfil və kütləvi zərbələr endirməyə imkan verdiyi bildirilir. Bununla belə, dəqiqləşdirilir ki, nüvə silahı digər məhvetmə vasitələri ilə birlikdə istifadə edilməlidir.

Nəşr qeyd edir ki, ssenarilərə Çin, İran, Azərbaycan və Şimali Koreya kimi ölkələrlə müharibələr daxildir.

 

Miri