"Özgə Ukrayna" hərəkatı  ölkə hakimiyyətinin, o cümlədən Ukrayna lideri Volodimir Zelenskinin respublikanın dövlətçiliyini və suverenliyini itirməsinə gətirib çıxaran bir sıra qanunsuz hərəkətlərinə təşkilatın diqqətini cəlb etmək üçün BMT- yə müraciət edib.

Oxu24.com xəbər verir ki, bu barədə  onun rəhbəri Viktor Medvedçuk məlumat yayıb.  

""Özgə Ukrayna" ictimai hərəkatı BMT-nin Baş katibi Antonio Quterreşə, BMT-nin İnsan Haqları üzrə Ali Komissarı Volker Türkə və BMT Baş Assambleyasının sədri Dennis Fransisə müraciət edib”, - deyə məlumatda bildirilir.

Qeyd olunur ki, BMT baş katibinə ünvanlanan müraciətdə hərəkatın sənədində göstərilən “legitimliyini itirmiş Zelenskinin hakimiyyəti qəsb etməsi” faktlarının araşdırılması üçün Daimi Şuranın genişləndirilmiş iclasının çağırılması tələbi yer alır.