Tramp yəhudilərin səslərinin rekord payını proqnozlaşdırmışdı

ABŞ prezidentliyinə namizəd və keçmiş Amerika lideri Donald Tramp İsraillə bağlı mövqeyinə görə qarşıdan gələn seçkilərdə Amerika yəhudilərindən rekord səs payı ala bilər.

 

Oxu24.com xəbər verir  ki, bu barədə “The New York Post” yazır.

 

"Prezident Trampın tarixdə yəhudilərin ən böyük səsini qazanmaq şansı var", - Trampın seçki kampaniyası üzrə sorğuçu Con Maklaflin nəşrə bildirib.

 

Trampyönlü siyasətçilərin fikrincə, yəhudi seçicilərin artan dəstəyi Demokratlar Partiyasında bir çoxlarının İsrailə qarşı mənfi baxışları, eləcə də ifrat solçu demokratların antisemitizm hadisələri ilə bağlıdır.

 

Nəşr həmçinin yəhudi seçicilərin narazılığına görə bəzi demokratların İsrailə qarşı mövqelərini yumşalddıqlarını qeyd edən Trampın etibarlı adamı Li Zeldindən də sitat gətirir.

 

Bundan əvvəl Tramp Demokrat Partiyasını dəstəkləyən yəhudiləri “başlarını yoxlamağa” çağırmışdı.

 

Miri