Türkiyə Qara dənizdə mina əməliyyatı qrupunun işinə başladığını açıqlayıb

Türkiyə, Rumıniya və Bolqarıstandan ibarət hərbi-dəniz qüvvələrinin mina əleyhinə tədbirlər qrupu iyul ayında Qara dənizdə fəaliyyətə başlayacaq.

 

Oxu24.com-un "TRT Haber" telekanalına istinadən verdiyi məlumata görə, bunu Türkiyə Müdafiə Nazirliyinin rəhbəri Yaşar Gülər ​​deyib.

 

“Bolqarıstan və Rumıniya ilə birgə yaratdığımız Qara dənizdə minaların təmizlənməsi üzrə işçi qrupu gələn ay aktiv fəaliyyətə başlayacaq”, - deyə nazir bildirib.

 

2024-cü ilin yanvarında Türkiyə, Rumıniya və Bolqarıstanın Müdafiə nazirlikləri Qara dənizdə minalara qarşı hərbi dəniz qrupunun yaradılmasına dair memorandum imzalayıblar. Türkiyə hərbi idarəsi qeyd edib ki, Ukraynada hərbi əməliyyatlar Qara dənizdə təhlükəsizlik üçün mənfi şərait yaradıb. Memoranduma əsasən, mina təhlükəsi ilə mübarizədə yalnız Türkiyə, Bolqarıstan və Rumıniya iştirak edəcək.

 

Bundan əvvəl Rusiya Təhlükəsizlik Şurasının keçmiş katibinin müavini Mixail Popov bildirmişdi ki, Ukrayna minalarına görə Qara dənizdə gəmiçiliklə bağlı təhdidlər uzun müddət qalacaq.

 

Miri