Hollandiya bu yay F-16 qırıcılarını Ukraynaya təhvil verməyi planlaşdırır.

Oxu24.com xəbər verir ki, bu barədə Krallığın müdafiə naziri Kaysa Ollonqren bildirib.

“Mən dəqiq gün açıqlaya bilmərəm, ona görə bu yay deyirəm. İndi biz bu plana əməl edirik”,-deyə nazir qeyd edib.

Ollonqren Ukraynanın ilk olaraq Danimarkadan təyyarə alacağını bildirib. Onun sözlərinə görə, infrastruktur və texniki heyətin hazırlanması tərəflərin razılaşdırdığı plana uyğun olaraq aparılır. Eyni zamanda Ollonqren etiraf edib ki, F-16-lar münaqişənin gedişatını dəyişməyəcək.

“Müharibədə bir silahın müharibənin gedişatını dəyişməsi baş vermir. Bu döyüşçülər tədricən gələcəklər. Döyüş istifadəsi onların effektivliyini göstərəcək. Bu, Hərbi Hava Qüvvələrini əhəmiyyətli dərəcədə gücləndirəcək və bir anda bu, hava üstünlüyünə səbəb ola bilər. Amma bu, dərhal baş verə bilməz”, - deyə nazir vurğulayıb.

Yeganə

Mənbə: Reuters.com