İsrailin maliyyə naziri Bezalel Smotriç fələstinlilərin haqqı olan vergi fondunu azaltmaq qərarına gəlib.

Oxu24.com xəbər verir ki, sözügedən məbləğ 35 milyon dollardır.

Həmin məbləğ müharibədə həlak olan israillilərin ailələrinə köçürüləcək. İsrail iki ilə yaxındır ki, Fələstinin vergi fondlarını kəsir. Bu təcrübə 7 oktyabr hücumlarından sonra daha da sürətlənib.

Keçən ilin noyabrında İsrail Nazirlər Şurası Fələstin hökuməti adından toplanan vergi fondundan Qəzza və fələstinli məhbuslara ayrılan məbləğin azaldılmasına qərar verib. 1994-cü ildə Fələstin Azadlıq Təşkilatı ilə imzalanan Paris İqtisadi Protokoluna uyğun olaraq, İsrail rəhbərliyi Fələstin administrasiyası adından nəzarətində olan sərhəd qapılarından vergi yığırdı. Fələstin xəzinəsinə hər ay təxminən 190 milyon dollar köçürürdü.

Yeganə

Mənbə: Trthaber.com