Gürcüstanın Anaklia limanının investoru Çin konsorsiumu olacaq.

Oxu24.com xəbər verir  ki,bu barədə Gürcüstanın İqtisadiyyat naziri Levan Davitaşvili məlumat verib.

Nazirin sözlərinə görə, söhbət iki subpodratçısı olan China Communications Construction Company Limited (Çin) və China Harbor Investment (Sinqapur) şirkətlərindən gedir - China Road and Bridge Corporation və Qingdao Port International.

Bundan əvvəl İsveçrə-Lüksemburq və Çin-Sinqapur konsorsiumlarının müsabiqənin ikinci mərhələsinə qədəm qoyduğu bildirilirdi. İnvestor seçimi ilə bağlı qərar yaxın günlərdə rəsmiləşəcək.

Gürcüstan hökumətinin verdiyi məlumata görə, dərin dəniz Anaklia limanının tikintisinin əsas investoru (51%) dövlət olacaq. Çin konsorsiumu 49% paya sahib olacaq.

“Echo of Caucasus” xatırladır ki, 2017-ci ildə Anaklia limanı TBC Holdinq və Amerikanın “Conti International LLC” şirkəti tərəfindən təsis edilmiş konsorsium tərəfindən tikilməyə başlanıb.

Layihənin dəyəri 2030-cu ilə qədər 14 milyon ton yük dövriyyəsi ilə 2,5 milyard dollar dəyərində qiymətləndirilir.

Su sahəsinin dərinləşdirilməsi işlərinə başlandıqdan 6 ay sonra layihə dondurulub. Konsorsiumun müşahidə şurasının rəhbəri, indi müxalifət partiyası Lelo-nun lideri olan Mamuku Xazaradze o zaman on il əvvəl TBC bank əməliyyatı ilə bağlı çirkli pulların yuyulmasında ittiham olunurdu.

2020-ci ilin yanvar ayında səlahiyyətlilər, investorun maliyyə öhdəliklərini yerinə yetirə bilmədiyini əsas gətirərək Anaklia İnkişaf Konsorsiumu ilə müqaviləni ləğv etdi.

Miri