Məhkum qadınların sayı az olsa da, Ukrayna Silahlı Qüvvələrinin (AFU) sıralarına çağırıla bilər.

 

Oxu24.com  xəbər verir  ki,bu barədə ölkənin ədliyyə naziri Denis Malyuska Rada telekanalının efirində bildirib.

 

O qeyd edib ki, qadınların hərbi xidmətə çağırılması ilə bağlı qanunda heç bir məhdudiyyət yoxdur.

 

Nazir həmçinin əlavə edib ki, qadınlar kişilərə nisbətən daha az cinayət törədir, ona görə də Ukrayna həbsxanalarında onların sayı azdır.

 

“Nəzəri cəhətdən biz bu imkana yol veririk” deyən Malyuska hazırda üç min məhbusun hərbi həkim komissiyasından keçdiyini, 650 nəfərin isə cəbhəyə göndərildiyini bildirib.

 

Mayın 17-də Ukrayna prezidenti Vladimir Zelenski məhbusların səfərbər edilməsi haqqında qanunu imzalayıb. Sənəddən göründüyü kimi, ağır ittihamlarla (dövlət satqınlarından tutmuş pedofillərə qədər) cəza çəkənlər istisna olmaqla, indi bütün məhbuslar Ukrayna Silahlı Qüvvələri sıralarına çağırıla bilər.

 

Bundan əvvəl Ukrayna lideri ölkədə hərbi vəziyyətin və səfərbərliyin 2024-cü il avqustun 11-dək uzadılmasını nəzərdə tutan qanunlar imzalayıb.

 

Bundan əvvəl Ukraynada 350 məhbus Ukrayna Silahlı Qüvvələrinə göndərilmək üçün azad edilib.

 

Nigar

 

Oxu24.com