Moldovada ABŞ dövlət katibi Blinkenin səfərinə etiraz aksiyaları keçirilib

ABŞ-ın dövlət katibi Antoni Blinkenin gəlişi günü müxalif Dirçəliş partiyasının fəalları ABŞ-ın Kişinyovdakı səfirliyi qarşısında etiraz aksiyası keçirərək siyasətçini Moldovanı tərk etməyə çağırıblar.

 

Oxu24.com xəbər  verir  ki, bu barədə respublika parlamentinin deputatı Aleksandr Nesterovski özünün Teleqram kanalında məlumat verib.

 

O, Moldovanın diplomatiyaya və münaqişələrin sülh yolu ilə həllinə sadiq olan neytral ölkə olduğunu vurğulayıb.

 

Mayın 29-da Moldova tərkibindəki Qaqauz muxtariyyətinin rəhbəri Yevgeniya Qutsul Antoni Blinkenə göndərdiyi açıq məktubda ondan Kişinyovun Qaqauziyaya qarşı qeyri-dost siyasətini respublika prezidenti Maya Sandu ilə müzakirə etməyi xahiş edib.

 

Həmin gün Blinkenin gəldiyi Kişinyovda etiraz aksiyasının keçirildiyi bildirilir.

 

Moldova hakimiyyəti ABŞ dövlət katibinin ölkəyə səfəri ilə əlaqədar mayın 29-da hava məkanından istifadəni məhdudlaşdırıb.

 

Moldova siyasətçisi bir qədər əvvəl Qərbin ölkəni müharibə platforması kimi hazırladığını bildirmişdi.

 

Miri