Polşa ölkənin şərq sərhədlərini gücləndirməyi planlaşdırır

Polşanın baş naziri Donald Tusk ölkənin şərq sərhədlərini gücləndirmək üçün böyük layihəni açıqlayıb.

 

Oxu24.com   xəbər  verir  ki, bu barədə RİA Novosti məlumat yayıb.

 

Onun sözlərinə görə, Varşava ölkənin təhlükəsizliyinə, ilk növbədə şərq sərhədinə 10 milyard zloti (2,5 milyard dollar) sərmayə qoymaq qərarına gəlib.

 

Tusk əlavə edib ki, təşəbbüs “Şərq Qalxanı” kod adlı “təhlükəsiz sərhədin qurulması üçün böyük layihədir”.

 

Bu, sərhədi potensial düşmən üçün keçilməz etməlidir, Polşa baş naziri bildirib.

 

Bundan əvvəl Polşa Milli Təhlükəsizlik Bürosunun (BBN) rəhbəri Yacek Sievera RMF FM radiosunda Belarusla sərhəddə rusiyalı fərarinin saxlanıldığını bildirib.

 

Onun sözlərinə görə, hərbçi sərhədi keçib. Fərari olduğu iddia edilən şəxsin saxlanılması ölkənin Sərhəd Xidməti tərəfindən təsdiqlənib. İdarədən verilən məlumata görə, söhbət Belarusdan Polşaya qanunsuz olaraq sərhədi keçən 41 yaşlı kişidən gedir. “Ona qarşı əlavə tədbirlər görülür”, - deyə sərhəd qərargahı yekunlaşdırıb.

 

Daha əvvəl Tusk Aİ-nin təhlükəsizliyini təmin etmək üçün nə qədər pula ehtiyacı olduğunu bildirmişdi

 

Nigar