İsrail hərbçiləri Livanda "əl-Cəmaə əl-İslamiyyə" radikal qruplaşmasının komandirlərindən biri Şurahbil əs-Seyidi zərərsizləşdiriblər.

OXU24.COM xəbər verir ki, bu barədə İsrail ordusunun mətbuat xidməti məlumat yayıb.

Məlumata görə, o, İsrail Hərbi Hava Qüvvələrinin Majdal-Anjar bölgəsindəki hava hücumu nəticəsində zərərsizləşdirilib.

Bildirilir ki, Əs-Seyid Livan ərazisindən İsrailə çoxsaylı hücumların hazırlanmasında iştirak edib, həmçinin HƏMAS radikal hərəkatının Livan qanadı ilə əlaqədə olub.