Fransa prokurorluğu Yeni Kaledoniyada iğtişaşlarla bağlı istintaqa başlayıb

Fransada Yeni Kaledoniyada (respublikanın xaricdə yerləşən ərazisi) iğtişaşların təşəbbüskarları ilə bağlı rəsmi araşdırma başlanıb.

 

Oxu24.com xəbər  verir  ki, Prokuror Yves Dupas bu barədə Outre-mer La Premiere telekanalında məlumat verib.

 

Prokuror bildirib  ki, istintaq “mütəşəkkil dəstənin tərkibində cinayət törətmək, oğurluq, ziyan vurmaqla törədildikdə” maddələri ilə açılıb və “ili çəkənlərə, başqa şəxslərdən, xüsusilə də gənclərdən istifadə etməklə cinayət törətmiş şəxslərə qarşı yönəldiləcək. 

 

O, həmçinin bildirib ki, Yeni Kaledoniyada iğtişaşlar zamanı polis 163 nəfəri saxlayıb.

 

Yeni Kaledoniya Fransanın Sakit Okeandakı xarici ərazisidir. Mayın 13-də Noumea şəhərində mitinq keçirilib, onun iştirakçıları yerli seçkilərdə seçki korpusunun genişləndirilməsi ilə bağlı Fransanın konstitusiya qanun layihəsinə qarşı çıxıblar.

 

Daha sonra nümayiş iğtişaşlara çevrilib, iştirakçılar dükanları, aptekləri və yanacaqdoldurma məntəqələrini qarət edib, yandırıblar.

 

Mayın 15-də prezident Emmanuel Makron Yeni Kaledoniyada baş verən iğtişaşlarla əlaqədar Respublika Müdafiə Şurasının iclasını elan edib.

 

Mayın 16-da məlum olub ki, Fransa hakimiyyəti dəniz limanları və xarici ərazilərin hava limanlarının mühafizəsi üçün hərbçiləri cəlb etmək qərarına gəlib.

 

 

Əvvəllər məlum olmuşdu ki, Yeni Kaledoniyadakı qırğınlardan üç gün ərzində 200 milyon avro zərər çəkib.

 

Nigar