İsrail ordusunun Qəzzada 2 evə hücumu nəticəsində ölən və yaralananlar olub

İsrail döyüş təyyarələri Qəzza şəhərinin Zeytun rayonunda 2 evi hədəf alıb.

 

Oxu24.com xəbər  verir  ki, hücum zamanı ölən və yaralananların olduğu, evlərin dağıldığı, ətrafdakı evlərə ziyan dəydiyi bildirilib.

 

İsrail ordusu mayın 9-da Qəzza şəhərinə ikinci dəfə hücuma keçdiyini açıqlayıb.

 

İsrailin 7 oktyabrdan bəri Qəzza zolağına təşkil etdiyi hücumlarda ən az 14 min 944-ü uşaq, 9 min 849-u qadın olmaqla 34 min 971 fələstinli həlak olub, 78 min 641 nəfər isə yaralanıb.

 

Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.

 

Nigar