Kremldə Aİİ-nin geniş tərkibdə sammiti başlayıb

Kremldə Ali Avrasiya İqtisadi Şurasının geniş tərkibdə iclası keçirilir.

 

Oxu24.com  RİA Novosti-yə istinadən  xəbər verir ki, iclasda  Aİİ ölkələrinin liderləri ilə yanaşı, müşahidəçi dövlətlərin başçıları da iştirak edir.

 

Mayın 8-də Moskvada Aİİ-nin yubiley sammiti keçirilir. Tədbir Avrasiya İqtisadi İttifaqı haqqında Müqavilənin imzalanmasının onuncu ildönümünə həsr olunub.

 

Bu gün Ali Avrasiya İqtisadi Şurasının dar tərkibdə iclası keçirilib. Tədbirdə Ermənistan, Rusiya, Belarus, Qazaxıstan və Qırğızıstan liderləri iştirak ediblər.

 

Bu sammit zamanı Rusiya prezidenti Vladimir Putin bildirib ki, Aİİ yaranmaqda olan çoxqütblü dünyanın müstəqil və özünü təmin edən mərkəzlərindən birinə çevrilib. Onun sözlərinə görə, Avrasiya İqtisadi İttifaqı dinamik və səmərəli inteqrasiya strukturudur. Rusiya lideri qeyd edib ki, bu assosiasiyanın fəaliyyəti ticarət və investisiya mübadiləsinin artmasına, işgüzar əlaqələrin intensivləşməsinə, əməkdaşlıq əlaqələrinin genişlənməsinə xidmət edir. O əlavə edib ki, bu, son nəticədə Aİİ iştirakçılarının hər birinə real fayda gətirir.

 

 

Nigar