Qətərin “Əl-Cəzirə” media holdinqi İsrail hökumətinin “Əl-Cəzirə”nin ölkədəki filialını bağlamaq və onun avadanlıqlarını müsadirə etmək qərarını qanunsuz adlandırıb.

Oxu24.com  xəbər  verir   ki, bu barədə “Əl-Cəzirə”nin saytında məlumat verilib.

“Əl-Cəzirə İsrailin informasiya əldə etmək üçün insan hüquqlarını pozan bu cinayət əməlini pisləyir”, - nəşr vurğulayır.

Media holdinq Fələstində jurnalistlərlə bağlı faciəvi statistikaya istinad edərək, İsrail tərəfindən jurnalistlərin zorakılıqla təqib edilməsinə və həbs edilməsinə baxmayaraq, “öz vəzifəsini yerinə yetirməyə” davam edəcəyini vurğulayıb.

“Media holdinq İsrail hakimiyyətinin peşəkar media standartlarını pozmaq ittihamlarını qəti şəkildə rədd edir və Etik Kodeksdə təsbit olunmuş dəyərlərə sarsılmaz sadiqliyini təsdiqləyir”, - nəşr vurğulayır.

Bundan əvvəl İsrail Nazirlər Kabineti Qətərin Əl-Cəzirə telekanalının ölkədəki filialının bağlanmasını yekdilliklə təsdiqləyib.

2024-cü il aprelin 1-də İsrail parlamenti ölkədə düşmən media qurumlarının bağlanmasına icazə verən qanunu təsdiqləyib. Qanunun lehinə 71 deputat, əleyhinə isə cəmi 10 deputat səs verib.

Qanunun redaksiyasına görə, İsrailin rabitə naziri avadanlıqları müsadirə olunmaqla xarici KİV-ləri bağlamaq hüququna malik olacaq. Ancaq belə bir qərar yalnız ölkənin Müdafiə Nazirliyi jurnalistlərin hərəkətlərindən “dövlətin təhlükəsizliyinə real ziyan vurduğunu” aşkar etdikdən sonra mümkündür.

İsrail daha əvvəl cinayətlərini ifşa etdiyinə görə mediaya hücum etməkdə ittiham olunub.

Nigar