ABŞ Hərbi Hava Qüvvələrinə məxsus F-16 qırıcı təyyarəsi Nyu-Meksikodakı Holloman Hərbi Hava Qüvvələri bazası yaxınlığında qəzaya uğrayıb.

Oxu24.com xəbər verir ki, hadisə "White Sands Milli Parkı" yaxınlığında baş verib. Qırıcının göyərtəsində yalnız pilot olub. Onun səhhəti barədə məlumat yoxdur.

Yerli hakimiyyət nümayəndələri təyyarənin göyərtəsində atmosferə zərərli kimyəvi maddələrin buraxılması ehtimalı ilə əlaqədar hadisə yerinə yaxınlaşmamağa çağırıblar. Parkının bəzi hissələri ictimaiyyət üçün bağlıdır.

Qəzanın səbəbləri barədə məlumat verilməyib.