Scholz İsveçin NATO-ya daxil olmasının nəticələrini açıqlayıb

Almaniya Federal Kansleri Olaf Şolz İsveçin NATO-ya qəbulu ilə bağlı protokolun Macarıstan parlamenti tərəfindən ratifikasiya edilməsini alqışlayıb və bunu ümumi qələbə adlandırıb.

 

Oxu24.com   xəbər  verir  ki, X sosial şəbəkəsindəki səhifəsində o, Stokholmun alyansa qoşulmasının Avropanın təhlükəsizliyini gücləndirəcəyini yazıb.

 

“İsveçin NATO-ya yolu açıqdır - bu, hamımızın qələbəsidir. Yaxşı haldır ki, bu gün Macarıstan parlamenti girişi təsdiqləyib. Qərar bizim müdafiə ittifaqımızı və bununla da Avropanın və dünyanın təhlükəsizliyini gücləndirir”, -  deyə Almaniya kansleri yazıb.

Bundan əvvəl Macarıstan parlamenti İsveçin NATO-ya daxil olması ilə bağlı sazişi ratifikasiya edib. Sənədin təsdiqinə 188 deputat, əleyhinə isə 6 deputat səs verib.

Bir neçə aylıq gecikmədən sonra Macarıstan alyansın 31 üzvü arasında İsveçin NATO-ya daxil olmasını ratifikasiya edən sonuncu ölkə oldu.

Daha sonra NATO-nun baş katibi Yens Stoltenberq İsveçin NATO-ya qəbulu ilə bağlı protokolun Macarıstan parlamentinin ratifikasiyasını alqışlayıb.

Daha əvvəl İsveçin baş naziri Stokholmun NATO-ya müraciəti ilə bağlı Macarıstan parlamentinin qərarını dəyərləndirib.

 

Miri