Fələstində istefalar başladı

Fələstin prezidenti Mahmud Abbas Məhəmməd Ştayyenin başçılıq etdiyi hökumətin istefasını qəbul edib.

 

Oxu24.com  xəbər  verir  ki, bu barədə Fələstinin WAFA xəbər agentliyi Abbas administrasiyasına istinadən məlumat yayıb.

 

Saytın  məlumatına görə, Abbas bununla bağlı müvafiq fərman imzalayıb.

 

O, həmçinin Ştayya və hökumətinə yeni hökumət formalaşana qədər Nazirlər Kabinetinin işinə müvəqqəti rəhbərlik etməyi tapşırıb.

Fevralın 26-da Fələstinin baş naziri Mohammed Shtayyeh mətbuat konfransı zamanı istefa ərizəsini Abbasa təqdim etdiyini bildirib. O, istefasının səbəblərini açıqlamayıb.

“Al Mayadeen” telekanalının məlumatına görə, Abbas bəzi regional oyunçuların və ABŞ-ın ona etdiyi təzyiqlərə görə hökuməti dəyişməyə gedir. Ehtimallara görə, Nazirlər Kabinetinin istefası Qəzza zolağında münaqişəyə son qoymaq üçün davam edən vasitəçilik səyləri və İsrail qoşunlarının çıxarılması və anklavdan blokadanın götürülməsi üçün beynəlxalq təminatların verilməsi ilə bağlıdır.

Ştayye 2019-cu il martın 10-dan Fələstinin baş naziri vəzifəsini icra edir. O, Abbasla yaxın münasibətdə idi və tez-tez mətbuatda prezidentin varisi kimi adlanırdı.

Keçmiş baş nazir iki dövlətin: Fələstin və İsrailin birgə yaşaması ideyasının tərəfdarıdır. Ailəlidir və üç övladı var.

 Miri