Rusiya Federasiyası xarici işlər nazirinin müavini Mixail Boqdanov bildirib ki, Fələstin Milli Administrasiyasının (PNA) rəhbərinin Rusiya Federasiyasına səfəri planlaşdırılan Fələstinlərarası konfransla bağlı deyil.

Oxu24.com  xəbər  verir  ki,  Boqdanov bu barədə RİA Novosti agentliyinə müsahibəsində bildirib.

“Mahmud Abbasın səfərinin bu görüşlə heç bir əlaqəsi yoxdur” deyən o, yaxın gələcəkdə belə bir səfərin gözlənilmədiyini vurğulayıb.

O qeyd edib ki, Rusiya prezident seçkilərindən sonra Abbasın Moskvaya səfərinin vaxtını PNA ilə müzakirə etməyə davam edəcək.

Bundan əvvəl Fələstinin sosial inkişaf naziri, Fələstin Azadlıq Təşkilatının (FAT) İcraiyyə Komitəsinin üzvü Əhməd Məcdəlani Fələstinin Rusiyanın siyasi və humanitar əməkdaşlıqla bağlı mövqeyini yüksək qiymətləndirdiyini bildirib.

Bundan əlavə, Fələstin Azadlıq Təşkilatının (FAT) siyasi departamentinin direktoru Ənvər Əbdülhadi RBC ilə söhbətində bildirib ki, Fələstin haqlı olaraq Rusiya Federasiyasını bir dövlət olaraq öz həyat və müstəqillik mübarizəsində dayaq hesab edir.

Daha əvvəl bildirilmişdi ki, ərəb ölkələri Fələstin dövlətçiliyi üçün İsraildən zəmanət tələb edir.

Miri