Almaniyada iqtisadiyyatdakı problemlər Rusiya ilə  bağlıdır

Almaniyanın vitse-kansleri, iqtisadiyyat naziri Robert Habek bildirib ki, ölkə iqtisadiyyatının problemləri onun sənaye istehsalının əhəmiyyətli hissəsinin Rusiya qazından asılı olması ilə bağlıdır.

 

Oxu24.com xəbər  verir  ki,  bu barədə TASS məlumat yayıb.

 

“Almaniyanın çoxlu enerji tutumlu sənayesi var, çünki bizim Rusiyadan çoxlu qazımız var idi. İndi bu qaz yoxdur”,-deyə məlumatda  qeyd  edilir.

Onun sözlərinə görə, başqa dövlətlərdə ya bu qədər enerji tutumlu sənaye obyektləri yoxdur, ya da Rusiya qazı olmayıb.

“Bizim asılılıq yalnız qismən Avstriya və Çexiyada müşahidə olunub”, o qeyd edib.

Bir gün əvvəl Almaniya kansleri Olaf Şolz Ukrayna münaqişəsinin nəticələrinin Almaniyaya ağır zərbə vurduğunu, çünki o, bu vəziyyətə hazır olmadığını bildirib. O qeyd edib ki, Almaniya hökuməti vəziyyəti düzəltmək üçün tez bir zamanda lazımi tədbirlər görüb. Onun sözlərinə görə, mayeləşdirilmiş təbii qazın (LNG) qəbulu üçün terminallar “rekord müddətdə” tikilib.

Bundan əvvəl Almaniyanın Rusiya qazından istifadəni davam etdirdiyi məlum olub. Yanacaq ölkəyə Belçika və Hollandiyadakı LNG terminalları vasitəsilə daxil olur.

Daha əvvəl bildirilmişdi ki, sanksiyalara baxmayaraq, Rusiyadan Avropaya LNG tədarükü iki il ərzində artıb.

 

Nigar