Hacıqabulda yol-nəqliyyat hadisəsi zamanı sürücü yaralanıb. APA-nın Mil-Muğan bürosunun məlumatına görə, hadisə Bakı-Qazax magistralının Hacıqabul rayonunun Atbulaq kəndi ərazisində qeydə alınıb. Tovuz rayonunun Əlibəyli kənd sakini, 1994-ci il təvəllüdlü Quliyev Pərvin Əlövsət oğlu idarə etdiyi “Mercedes Vito” markalı avtomobili arxadan “KamAZ” markalı yük avtomobilinə çırpıb. Nəticədə sürücü müxtəlif xəsarətlərlə Şirvan Şəhər Xəstəxanasına yerləşdirilib. Faktla bağlı araşdırma aparılır. Oxu24.com