Bir neçə gündür özünü  psixoloq kimi  təqdim edən  Nərmin Şahmarzadənin Milli Qəhrəman Mübariz İbrahimovla bağlı paylaşımı sosial şəbəkələrdə böyük səs-küyə səbəb olub. 

O, #Milli  Qəhrəman  Mübariz  İbrahimovu "qatil" və "qəddar" adlandırıb. Daha  sonra  şəxsi   facebook hesabında erməniləri özünə düşmən hesab etmədiyini və qanında erməni qarışığının olmasından şübhə etmədiyini bildirib. Qeyd olunan çıxışlar cəmiyyətdə böyük  etirazlara səbəb olub. Bir çox tanınmış  şəxslər, ictimai şəxslər, Qarabağ qaziləri,Şəhid ailələri psixoloqa kəskin etirazlarını bildirib.

Oxu24.com xəbər verir ki, özünü psixoloq kimi təqdim edən şəxsin bu çıxışı Şəhid analarının da ciddi etirazına səbəb olub. Mövzu ilə bağlı aprel döyüşləri zamanı qəhrəmanlıq  göstərib  şəhid  olan manqa komandiri Əbdülməcid Axundovun anası Ceyran Axundova etirazını bildirib. O, psixoloqun məhkəməyə verməyin lazımlığını bildirib.

"Onu məhkəməyə vermək lazımdı. Nəyi gözləyirik? Kiminsə ...  çorəyimizi  yeyərək suyumuzu içərək  bizim qəhrəmanlıq simvolumuzu qatil adlandırır? Düşmənimizə ürəyi yanır? Getsin o erməni  otursun ermənistanda ürəkyananlıq eləsin.", deyə Şəhid anasını  etirazını  bildirib.


Aynur  Kazımlı
Oxu24.com

Oxu24.com