Maşın bazarında durğunluq yaşanır - Səbəb nədir? - VİDEO

Son vaxtlar avtomobil bazarında durğunluq yaşanır.

Milli.Az Xəzər TV-yə istinadən xəbər verir ki, səbəb avtomobillərin qiymətinin artmasıdır.

Satıcılar deyirlər ki, yanvar ayının 1 -dən Vergi Məcəlləsinə edilən dəyişiklik qiymətlərin artmasına səbəb olub.

Onların sözlərinə görə, bazarda baş verən bahalaşma daha çox psixoloji təzyiqlə baş verir. Rüsumu 200 manat artan avtomobilin qiyməti bir qayda olaraq 10 faizə qədər bahalaşıb.

Yeni qaydalara əsasən, istehsal tarixi 3 ildən və mühərrikinin həcmi 2500 kubsantimetrdən çox olmayan hibrid və elektrik  avtomobillərinin idxalı və satışı ƏDV-dən azad edilir. Amma bu avtomobillərin istehalsçı ölkələrdə satış qiyməti yuxarı olduğundan yerli bazarda onlara olan tələbat olduqca aşağıdır.

Daxili bazarda olan, ili köhnə avtomobillərdə də qiymət artımı nəzərəçarpacaq dərəcədədir.