Sosial platforma saytı olan Reddit-də "Playtonic1" adlı istifadəçi başına gələn ilginc bir hadisəni danışıb.

Milli.Az xarici KİV-ə istinadən xəbər verir ki, o, hekayəsində başına gələnləri əvvəldən axıra kimi qeyd edib:

"Pişiyimizin şeytani bir zəkası var. Həqiqətən, o balaca şeytan bir yaşlı körpəmizdən də dəcəldi. Evdə hər yerə gedib girir. Axtardığı hər şeyin yerini bilir. Onu saxlamağa başladığımız ilk həftələr çox pis idi.

Çünki səhər yuxudan oyananda hamamda bütün siyirmələrin, qapıların açıq olduğunu görürdüm. İlk səhvim qulaq çöplərini qoyduğumuz və içinə girməyi ən çox sevdiyi şkafa prezervativləri qoymağım oldu.

Bir neçə dəqiqə sonra ora baxanda hər şeyin dağınıq, çeynənilmiş vəziyyətdə olduğunu gördüm. O an ağlıma hər hansı bir şey gəlmədi və dağıdılmış əşyaları yerinə yığdım, prezervativləri də yerinə qoydum.

O gecə həyat yoldaşımla birlikdə olduq, qaranlıqda hamama doğru getdiyimi, həmin siyirməni açıb prezervativi götürdüyümü xatırlayıram. Bir neçə həftə sonra həyat yoldaşımın ürəkbulanması başladı, eyni ilə ilk hamiləliyindəki kimi. Bir il öncə aldığımız və yarısı istifadə edilməmiş hamiləlik testləri qalırdı, onlardan birini istifadə etməyə qərar verdi və test hamilə olduğunu göstərdi.

Sonra həmin şkafdakı prezervativlərə baxdığımda deşildiyini, diş izlərini gördüm. Həmin gecə istifadə etdiyim prezervativdə pişiyin deşik açdığını anladım".