İş xanımının daha bir uğuru: Bu dəfə Daxili İşlər Nazirliyi ilə əməkdaşlıq etdi

"Mak Marin LTD" şirkəti  daha  bir uğura  imza  atıb. Azərbaycanda  kifayət  qədər  nüfuz  qazanan  şirkət  Türkiyə  Respublikasında  "MAK İMASH 12 LTD SENAYE" adlı şirkətini  açıb. şirkətinin təsisçisi və direktoru K.C. Mustafazadədir. 

Hər  zaman   böyük  layihələrdə  tərəfdaş  kimi  iştirak  edən  şirkət  bu dəfə  rəsmi  qurumla  iş  birliyinə  imza  atıb.

Oxu24.com  xəbər  verir  ki, şirkətin  təsisçisi   Mətanət  Süleymanzadə  bildirib  ki,  Mak Marin LTD  şirkətinin  tərəfdaşlığı  ilə    İnsan Alverinə Qarşı Mübarizəyə həsr olunan qısametrajlı film çəkilib. Filmi İnsan Alverinə Qarşı Mübarizə Təşkilatı Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə, Azərbaycan Respublikası Daxili İşlər Nazirliyinin və DİN-nin İnsan Alverinə Qarşı Mübarizə Baş İdarəsinin təşkilatı dəstəyi ilə çəkib.

Filmin layihə rəhbəri və ssenari müəllifi Ramiz Alıyev, Qurluşcu rejissoru isə Elvin Rüstəmzədədir.

“Mələklərin Qurtuluşu” adlı qısametrajlı film insanların sosial şəbəkələr vasitəsi ilə aldadılaraq xaricə aparılmasına, orada onların bədən orqanlarının çıxarılaraq satılmasına və cinsi istismara məruz qoyulmasına həsr olunub.

Qeyd  edək  ki, Mak Marin LTD şirkətinin  təsisçisi  Mətanət  Süleymanzadə  uğurlu işlərinə  görə  bir  sıra  mükafatlara  layiq  görülüb. İş xanımı  bu il  ölkəmizdə  keçiriləcək  deputat  seçkilərində  namizədliyini  irəli  sürüb.O, 19 saylı  Nərimanov  rayon Birinci  seçki  dairəsindən  namizədliyini  irəli  sürüb.