Bakıda yerüstü metro açılacaq - VİDEO

Güzdək-Sahil yolunun yerüstü metro kimi istifadəsi nəzərdən keçirilir.

Xezerxeber.az-ın məlumatına görə, bunu jurnalistlərə açıqlamasında "Azərbaycan Dəmir Yollari" Qapali Səhmdar Cəmiyyətinin sədri Cavid Qurbanov deyib.

Onun sözlərinə görə, vaxtilə istifadə olunan bu yolun rentabelliyi nəzərə alınaraq yenidən insanlarin ixtiyarina veriləcək.

Cavid Qurbanov turizm bölgələrinə dəmiryolu xətlərinin çəkilməsi və mövcud olanların yenilənməsi məsələsinə də aydınlıq gətirib. O bildirib ki, Şahdağa çəkilməsi nəzərdə tutulan dəmiryolu xəttinin layihələndirilməsinə başlanılıb.Bununla yanaşı Lənkəran istiqamətində də xətlərin yenilənməsi gündəlikdədir. Qəbələyə dəmiryolu xətti isə növbəti turizm mövsümünə qədər təhvil veriləcək.

QSC sədri həmçinin Bakı-Sumqayıt qatarında yaranan sıxlığın aradan qaldırılması üçün görüləcək işlərdən də danışıb. O qeyd edib ki, dairəvi yol açılanda qatarın yolu uzanacaq. Buna görə də qatarların sayı artırılacaq və sıxlığın qarşısı alınacaq.

Cavid Qurbanov onu da bildirib ki, Bakı-Tbilisi-Qars dəmir yolu xətti ilə indiyədək 300 min ton yük daşınıb.

Xezerxeber.az mövzu ilə bağlı daha ətraflı videomaterialı təqdim edir: