Yeni Azərbaycan Partiyasının səlahiyyətli nümayəndələri və maliyyə nümayəndələri açıqlanıb.

Oxu24.com   xəbər verir ki, səlahiyyətli nümayəndələr arasında baş nazirin müavini, YAP sədrinin  müavini-icra katibi Əli Əhmədov var. YAP-ın  seçkilərdəki   maliyyə  nümayəndəsi  isə YAP icra  katibinin  müavini  Siyavuş  Novruzovdur.

Burda  maraqlı  olan  odur ki, Əli Əhmədovun  yeni  tərkibdə  Mili  Məclisin  sədri  olacağı haqqında proqnozlar  verilirdi. Ancaq  bu siyahıdan  məlum  olur  ki, Əli Əhmədov   parlament seçkilərinə  qatılmayacaq. Yəni onun  MM  sədri  olması  məsləhət   bilinməyib.

Eyni zamanda və daha maraqlısı:  YAP-ın  "məşhur" deputatı  Siyavuş  Novruzov  Milli Məclisdə  olmayacaq; ya icra strukturlarında yeni vəzifə alacaq, ya da YAP icra katibinin müavini olaraq qalmaqla kifayətlənməsi lazım olacaq. Bu, Milli Məclisdə  iqtidarın  rəqiblərə sərt və bir ç ox hallarda təhqiramiz ritorikadan imtinanın ilkin  əlaməti  ola bilər.

Xatırladaq ki, 2020-ci il fevralın 9-da Azərbaycanda növbədənkənar parlament seçkiləri keçiriləcək. YAP-la yanaşı Müsavat, ReAl, Ümid partiyaları da seçkilərdə iştirak edəcək. Ölkənin əsas müxalifət qüvvəsi olan Milli Şura, onun özəyini təşkil edən AXCP bu seçkilərdə iştirakdan imtina edib. Bunu ölkədə demokratik seçkilər üçün şəraitin olmaması ilə əsaslandırıb.

Mənbə: Bizimyol