TƏBİB-dən Zəhranın qəzası ilə bağlı AÇIQLAMA 

Tibbi Ərazi Bölmələrini İdarəetmə Birliyi (TƏBİB) Bakı-Sumqayıt yolunda baş verən ağır yol-nəqliyyat hadisəsi ilə bağlı Modern.az saytına açıqlama verib. 

Oxu24.com xəbər verir ki, qurumdan  verilən açıqlamaya əsasən, 2008-ci il təvəllüdlü şəxs (qadın) 16.06.2026-cı il tarixində saat 17:00 radələrində Abşeron Rayon Mərkəzi Xəstəxanasının Təcili tibbi yardım şöbəsinə gətirilib.

Xəstəyə qəbul olunduğu andan etibarən vəziyyətinin ağırlığı nəzərə alınaraq təxirəsalınmaz tibbi yardımlar göstərilib. 

"Qarın, bel və çanaq nahiyəsinin dəqiqləşdirilməmiş travması, digər kəllədaxili travmalar, boyun nahiyəsinin dəqiqləşdirilməmiş travması, dəqiqləşdirilməmiş pnevmotoraks, ön qol sümüklərinin digər hissələrinin sınığı, bud sümüyünün digər hissələrinin sınığı, bud nahiyəsinin açıq yarası diaqnozları təyin edilən pasiyentə zəruri müayinə və müalicə tədbirləri həyata keçirilib.

Həkimlər tərəfindən aparılan intensiv müalicə və reanimasiya tədbirlərinə baxmayaraq, xəstənin həyati funksiyalarını bərpa etmək mümkün olmayıb və 16.06.2026-cı il tarixində saat 20:20 radələrində bioloji ölüm faktı qeydə alınıb", - deyə rəsmi məlumatda qeyd olunub.

TƏBİB-dən verilən məlumata görə, xəstənin xəstəxanaya daxil olduğu andakı vəziyyəti son dərəcə ağır, həyati göstəriciləri qeyri-sabit olub.

"Bu səbəbdən xəstənin KT (kompüter tomoqrafiyası) müayinəsinə aparılması tibbi baxımdan mümkün olmayıb.

Əlavə olaraq bildiririk ki, radioloji tibbi xidmətlərin daha da təkmilləşdirilməsi məqsədilə TƏBİB tərəfindən müasir tibbi texnologiyaların tətbiqi ilə bağlı zəruri tədbirlər həyata keçirilir.

Əsas prioritet bütün tibb müəssisələrinin radioloji avadanlıqlarla təchiz edilməsi deyil, pasiyentlərin tibbi xidmətlərə əlçatanlığının təmin edilməsi istiqamətində vahid radioloji tibbi xidmətlərin göstərilməsi üçün şəraitin yaradılmasıdır".

Məlumat üçün bildirək ki, qəzada həyatını itirən şəxsin tanınmış hüquqşünas, beynəlxalq hüquq üzrə professor Fərhad Mehdiyevin qızı Zəhra Mehdiyeva olub.

Həmçinin oxuyun

Pensiya, müavinət və təqaüdlərlə bağlı RƏSMİ AÇIQLAMA 

Zakir Kərimov vəfat edib

Bu tarixdən havalar sərinləşir - AÇIQLAMA 

Əliyevlə Putin danışdı:Təsdiqləndi...