1000 kilometrə qədər yayılır: Hava küləklidirsə, daha tez— Radiasiya ilə bağlı qorxunc proqnoz

Regionda artan hərbi gərginlik fonunda nüvə obyektlərinin hədəfə alınması ilə bağlı yayılan məlumatlar narahatlıq doğurur. Xüsusilə İranın Buşehr nüvə elektrik stansiyası ətrafında baş verən hadisələr radiasiya təhlükəsi ilə bağlı müzakirələri yenidən gündəmə gətirib.

Son açıqlamalara görə, Buşehr ətrafına endirilən zərbələr aktiv nüvə obyektinə yaxınlığı səbəbilə potensial radioaktiv sızma riskini artırır. İran rəsmiləri bu hücumların davam etməsinin region üçün “ciddi radioloji təhlükə” yarada biləcəyini vurğulayır və beynəlxalq qurumları vəziyyətə dərhal reaksiya verməyə çağırır.

KONKRET.az bildirir ki, mövzu ilə bağlı radioloq Eldar Məmmədov Demokrat.az-a açıqlamasında deyib ki, radiasiya sızmasının yayılması birbaşa qəzanın miqyası və növü ilə əlaqəlidir:

“Əgər yalnız texniki nasazlıq və ya kiçik zədələnmə baş verərsə, radiasiya əsasən obyekt daxilində və yaxın ərazilərdə, təxminən 10-30 km radiusda məhdud qalır. Daha ciddi hallarda, məsələn soyutma sisteminin sıradan çıxması zamanı radioaktiv maddələr atmosferə qalxaraq 100-300 km məsafəyə qədər yayıla bilər. Ən ağır ssenarilərdə isə, yəni reaktorun ciddi zədələnməsi və ya əriməsi halında radioaktiv bulud min kilometrlərlə məsafə qət edə bilər, lakin bu zaman uzaqlaşdıqca təsirin gücü əhəmiyyətli dərəcədə zəifləyir. Radiasiyanın yayılmasında əsas rolu meteoroloji şərait oynayır və xüsusilə küləyin istiqaməti həlledici faktordur. Azərbaycanın Buşehrə olan məsafəsi təxminən 1000 km-ə yaxındır və bu, riskin qiymətləndirilməsində mühüm amildir”.

O bildirib ki, yüksək dozalı radiasiya təsiri ehtimalı praktik olaraq çox aşağı hesab olunur:

“Yalnız çox ağır qəza və uyğun olmayan külək istiqaməti üst-üstə düşərsə, zəif səviyyəli radioaktiv izlərin regiona çatması nəzəri olaraq mümkündür. Belə bir halda risk daha çox kəskin deyil, uzunmüddətli xarakter daşıyır. Bu, əsasən torpaq, su və qida zəncirində radioaktiv maddələrin yığılması ilə bağlı ola bilər. İnsan sağlamlığı üçün isə bu cür aşağı dozalar illər ərzində müəyyən xəstəlik risklərini cüzi şəkildə artıra bilər, lakin bu təsirlər dərhal hiss olunmur. Hazırkı vəziyyətə əsasən bölgədə hər hansı radiasiya artımı qeydə alınmayıb və real təhlükə mövcud deyil”.

Həmçinin oxuyun

Eldar Əzizovun vəzifəyə təyin olunan oğlu ilə bağlı MARAQLI FAKT

Pensiya və sosial müvinətlərlə bağlı ŞAD XƏBƏR 

Paytaxtda hər şey dəyişir: Yeni Bakı necə OLACAQ?

Bakıdan Paşinyanın qələbəsinə baxış: İlham Əliyevin hansı fikri  seçki debatlarında 100 dəfədən çox səsləndirilib?