Milli Məclisinin İnsan hüquqları komitəsində slovakiyalı Ombudsmanla görüş keçirilib - FOTO

CƏMİYYƏT

597

08.04.2026, 18:36

Xəbərlərimizi Google-da izləyin

Yeniliklərdən dərhal xəbərdar olun

Azərbaycan Respublikası Milli Məclisinin İnsan hüquqları komitəsində Slovakiya Respublikasının Ombudsmanı Robert Dobrovodskinin rəhbərlik etdiyi nümayəndə heyəti ilə geniştərkibli görüş keçirilib.

Oxu24.com xəbər verir ki, nümayəndə heyəti bu səfəri Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyevanın rəsmi dəvəti əsasında, təsisatlararası əməkdaşlığı gücləndirmək məqsədilə reallaşdırıb.

Səfər çərçivəsində təşkil olunan bu görüş, tərəflər arasında hüquqi müstəvidə qarşılıqlı təcrübə mübadiləsinin aparılması üçün mühüm platforma rolunu oynayır. Görüş zamanı iki ölkə arasında insan hüquq və azadlıqlarının müdafiəsi sahəsində mövcud olan əlaqələrin hazırkı vəziyyəti və inkişaf perspektivləri ətraflı müzakirə edilib.

Komitə üzvləri qonaqlara Azərbaycanın qanunvericilik bazasında insan hüquqlarının təminatı istiqamətində həyata keçirilən son islahatlar barədə ətraflı məlumat veriblər.

Slovakiya tərəfi Ombudsman təsisatları arasında dialoqun vacibliyini vurğulayaraq, beynəlxalq hüquq normalarının tətbiqi sahəsində əməkdaşlığın əhəmiyyətini qeyd edib. Robert Dobrovodski səmimi qəbula görə təşəkkürünü bildirərək, iki dövlətin müvafiq qurumları arasında parlamentarizm müstəvisində əlaqələrin genişlənməsinin müsbət nəticələr verəcəyinə əminliyini ifadə edib.

Yekunda nümayəndə heyətləri arasında əməkdaşlığın gələcəkdə daha dinamik xarakter alması üçün mütəmadi təmasların davam etdirilməsi barədə razılıq əldə olunub.