Yüksək pensiya almağın yolları hansılardır? — DİQQƏT!

CƏMİYYƏT

2109

07.04.2026, 22:43

İşəgötürən hər ay sizin rəsmi əməkhaqqınızdan Məcburi Dövlət Sosial Sığorta (MDSS) haqqı ödəyir. Bu vəsaitin bir hissəsi sizin fərdi hesabınızda (pensiya kapitalı hissəsində) toplanır.

Düstur sadədir: Nə qədər yüksək rəsmi maaş və nə qədər uzun müddətli rəsmi iş stajı, o qədər çox pensiya kapitalı.

Oxu24.com xəbər verir ki, dövlət hər ilin əvvəlində fərdi hesabda toplanan kapitalı inflyasiya dərəcəsinə uyğun artırır (indeksasiya edir), beləliklə vəsaitiniz dəyərdən düşmür.

Yüksək Pensiya Üçün 3 Qızıl Qayda

Gələcəkdə "yaxşı pensiya" almaq istəyən şəxsin diqqət etməli olduğu məqamlar:

-Əgər maaşın bir hissəsi rəsmi, digər hissəsi əlbəttə verilirsə, fərdi hesaba az vəsait oturur. Bu da gələcək pensiyanı minimum həddə salır.

-"e-sosial.az" portalı vasitəsilə mütəmadi olaraq işəgötürənin sizin üçün sosial sığorta haqlarını ödəyib-ödəmədiyini yoxlayın.

-Mülki-hüquqi xarakterli müqavilə ilə işləyən şəxslər özləri öz sosial haqlarını (vöen vasitəsilə) ödəməkdə maraqlı olmalıdırlar, çünki bu ödənişlər birbaşa kapitala çevrilir.

Pensiya Yaşına Çatanda Nə Baş Verir?

Pensiya yaşına çatdıqda (hal-hazırda kişilər üçün 65, qadınlar üçün 65-ə doğru mərhələli artım), toplanan ümumi kapital 144-ə (orta ömür müddəti kimi qəbul edilən 12 ilin aylarının sayı) bölünür.

Məsələn: Əgər fərdi hesabınızda 43,200 AZN kapital varsa, aylıq pensiyanız 300 AZN olacaq (əgər bu məbləğ minimum pensiya həddindən aşağıdırsa, dövlət onu minimuma çatdırır).

Həmçinin oxuyun