Güclü yağışa görə dərslər dayandırıla bilər? 

Azərbaycanda məktəblərdə tədrisin dayandırılması yalnız qanunvericiliklə müəyyən edilmiş xüsusi hallarda və aidiyyəti dövlət qurumlarının qərarı əsasında həyata keçirilə bilər. Bu məsələ “Ümumi təhsil haqqında” qanun və digər normativ sənədlərlə tənzimlənir.

Oxu24.com bakivaxti.az-a istinadən xəbər verir ki, son günlər müşahidə olunan güclü yağışlar fonunda valideynlər və şagirdləri maraqlandıran əsas sual belədir: yağışlar səbəbindən dərslər dayandırıla bilərmi?

Qanunvericiliyə əsasən dərslər aşağıdakı hallarda dayandırılır:

– Epidemioloji vəziyyət: infeksion xəstəliklərin yayılması və karantin tətbiqi zərurəti.

– Fövqəladə hallar: zəlzələ, sel, torpaq sürüşməsi, güclü qar kimi təbii fəlakətlər.

– Təhlükəsizlik riski: məktəb binasında qəza, qəzalı vəziyyət və digər təhlükə yaradan hallar.

– Təmir-tikinti: təhsil müəssisəsinin fəaliyyət üçün yararsız duruma düşməsi.

Bu hallarda qərarı Fövqəladə Hallar Nazirliyi, Elm və Təhsil Nazirliyi və yerli icra hakimiyyəti strukturları verir.

Bəs güclü yağışlarla bağlı vəziyyət necə qiymətləndirilir?

Son günlər bəzi bölgələrdə yağıntıların intensivləşməsi müşahidə olunur. Əgər güclü yağışlar nəticəsində:

Həmçinin oxuyun

Azərbaycan və Ukrayna arasında 6 sənəd imzalanıb

Pulunu dollarlarla saxlayanlara şad xəbər 

Bakıda yeni proses: yüzlərlə ailə köçürüləcək - Detallar 

Zelenski Azərbaycandadır - Prezident Qəbələdə qarşıladı - Fotolar 

– sel və daşqın riski yaranarsa,

– məktəbin yerləşdiyi ərazidə təhlükə formalaşarsa,

– yolların hərəkətində ciddi problemlər müşahidə olunarsa,

bu zaman dərslərin müvəqqəti dayandırılması mümkündür. Lakin belə qərar yalnız rəsmi qurumların qiymətləndirməsindən sonra verilir.

Dərslərin dayandırılması halında nə baş verəcək?

Qanunvericilik tələb edir ki, tədris prosesi dayandırıldığı halda şagirdlərin təhsilində fasilə yaranmaması üçün dərhal distans (onlayn) tədrisə keçid təmin olunsun.

Hazırda güclü yağışlarla bağlı dərslərin dayandırılması barədə heç bir rəsmi qərar yoxdur. Bununla belə, yağıntıların intensivliyi davam edərsə, aidiyyəti qurumların vəziyyəti qiymətləndirərək qərar verməsi istisna edilmir.