Bu halda pensiyasız QALA BİLƏRSİNİZ!— VƏKİL AÇIQLADI

Azərbaycanda minlərlə insan illərlə rəsmi əmək müqaviləsi olmadan çalışır. Bu gün qazanc əldə edən həmin şəxslər gələcəkdə pensiya yaşına çatdıqda ciddi risklə üz-üzə qala bilərlər. Çünki sosial sığorta ödənişləri aparılmadığından onların pensiya hüququ ya formalaşmır, ya da çox zəif olur.

Sosial sığorta ödənişlərindən kənarda qalan vətəndaşlar pensiya yaşına çatdıqda hansı hüquqi baryerlərlə qarşılaşacaqlar?

Mövzu ilə bağlı vəkil Elvin Səfərovun Oxu24.com-a açıqlama verib.

“Əmək Məcəlləsi ilə müəyyən edilmiş qaydada yazılı formada əmək müqaviləsi bağlanmadan əmək münasibətlərinin işəgötürənin əmri (sərəncamı, qərarı) ilə rəsmiləşdirilməsi qadağandır. İşəgötürən tərəfindən on nəfərdən az işçinin əmək müqaviləsi olmadan işlədilməsi inzibati xətadır. Bu halda fiziki şəxslər min manatdan iki min manatadək məbləğdə, vəzifəli şəxslər üç min manatdan beş min manatadək məbləğdə, hüquqi şəxslər iyirmi min manatdan iyirmi beş min manatadək məbləğdə cərimə edilir. On nəfərdən çox işçinin əmək müqaviləsi olmadan işlədilməsi cinayət məsuliyyəti yaradır. Bu halda işəgötürən yeddi min manatdan on min manatadək miqdarda cərimə və ya iki ilədək müddətə islah işləri və ya iki ilədək müddətə azadlığın məhdudlaşdırılması və ya iki ilədək müddətə azadlıqdan məhrumetmə ilə cəzalandırılır. 

Əlavə olaraq, Vergi Məcəlləsinə əsasən, işəgötürənə hər bir belə şəxs üzrə təqvim ili ərzində belə hala birinci dəfə yol verdikdə 2000 manat, ikinci dəfə yol verdikdə 4000 manat, üç və daha çox dəfə yol verdikdə 6000 manat məbləğində maliyyə sanksiyası tətbiq edilir. 

Əmək müqaviləsi olmadan işləyən şəxs qanunvericiliyə əsasən işçi kimi tanınmadığından, əmək qanunvericiliyi ilə nəzərdə tutulmuş sosial təminatlar, güzəştlər və imtiyazlardan məhrum olur. Bununla yanaşı, belə şəxslər üçün hər hansı hüquqi məsuliyyət nəzərdə tutulmamışdır”,-deyə vəkil qeyd edib.

Çimnaz Telmanqızı

Həmçinin oxuyun

Prezidentin köməkçisi AÇIQLADI:Rayonlar üçün "mini inkişaf planları" hazırlanacaq

Dövlət qulluğunda yeni mərhələ: Azərbaycanda hansı islahatlar gözlənilir? – Təhlil  

SON DƏQİQƏ!Prezident İlham Əliyev mühüm BƏYANATA İMZA ATDI

Kəmaləddin Heydərovdan YENİ TƏYİNAT